АҚШ-та аммиактан 36 адам зардап шекті

АҚШ-тың Оклахома штатының Уэзерфорд қаласында танкерден аммиак төгіліп, 36 адам госпитальге түсті. 11-і ауыр халде жатыр. Мұны жергілікті полиция департаменті хабарлады. Оның дерегінше, 500-дей тұрғын қауіпсіз жерге көшірілген. Аммиак қонақүйдің жанына тоқтаған машинаның автоцистернасынан аққан. Қазір оқиғаның мән-жайы тергеліп жатыр. Зардап шеккендердің ішінде 14 полицей бар. Олардың бесеуінің тыныс жолдарын химиялық күйік шалған.