АҚШ тарихындағы ең ұзақ шатдаун аяқталды

АҚШ тарихындағы ең ұзақ шатдаун аяқталды. Сәрсенбінің кешінде Өкілдер палатасының 222 мүшесі бюджет жобасын қолдап дауыс берді. Екі сағаттан соң президент Дональд Трамп шатдаунды аяқтау туралы заңға қол қойды. Бұған дейін құжатты Сенат мақұлдаған еді. Осылайша 43 күндік үзілістен соң федералдық үкімет жұмысы жанданды. Шатдаун аяқталғанда қаңтардың 30-на дейінгі бюджет мақұлданып, жүздеген мың адам жұмысқа оралып, федералдық министрліктер мен агенттіктер жұмысы жанданады. Мемлекеттік қызметкерлерді жұмыстан қысқарту тоқтайды. Ақысыз жұмыс істеген немесе мәжбүрлі еңбек демалысына жіберілген азаматтарға өтемақы төленуі тиіс.