Қазақстанның Еуроодақ елдерімен тауар айналымы 33 млрд доллардан асты

Қазақстанның Еуроодақ елдерімен тауар айналымы 33 миллиард доллардан асты. Бұл биылғы 9 айдағы көрсеткіш. Бұл бағытта ел Үкіметі іскерлік-әріптестік байланысты нығайта бермек.

Бүгін Премьер-министр Олжас Бектеновтің төрағалығымен «Қазақстан-Еуроодақ» диалогтік платформасының 18-отырысы өтті. Алқалы жиынға кәрі құрлық мемлекеттерінің бизнес қоғамдастығының өкілдері, дипломатиялық және сауда-өнеркәсіп палаталарының басшылары қатысты. Жалпы бүгінде Қазақстанда 4 мыңнан астам еуропалық қаржы көздерінен 4 мыңнан астам кәсіпорын жұмыс істейді. Үкімет басшысы елімізде ұзақмерзімді инвестициялық жобаларды жүзеге асыруға шақырып, инвесторларға экономикалық қолайлы жағдай жасалатынын жеткізді.