«Фунг-Вонг» тайфуны Тайвань аралына соқты

Сұрапыл «Фунг-Вонг» тайфуны Тайвань аралына соқты. 8 мыңнан астам тұрғын қауіпсіз жерге көшірілген. Дамылсыз нөсер жауын жауып, екпінді жел соқты. Табиғи апаттан 51 адам зардап шеккен. Аралдың оңтүстік аудандарында мектептер мен кеңселер жабылды. Суао қаласында мыңнан астам баспанаға зақым келген. Тайфун салдарымен күрес жүріп жатыр. Бұған дейін «Фунг-Вонг» Филиппинде ойран салып, 27 адам қаза тапты. Елде төтенше жағдай жарияланған.