Исламабадта жойқын жарылыстан 12 адам қаза тапты

Бүгін Пәкістан астанасы Исламабадтағы сот ғимараты маңында жойқын жарылыс болды. Соңғы мәліметке қарағанда, 12 адам қаза тапқан. Елдің ішкі істер министрі Мохсин Нақвидің мәлімдеуінше, жанкешті ішке кіру үшін далада 10-15 минут тұрып, содан кейін бомбаны полиция машинасының жанында іске қосқан. Қазір жанкешті мен жарылысқа қатысы бар өзге де адамдардың аты-жөні анықталып жатыр. Тағы бір айта кететін жайт, шабуылдан 27 тұрғын жараланды. Жергілікті госпиталь өкілдерінің айтуынша, кейбірінің жағдайы өте ауыр.