Нью-Делиде көлік жарылып, 9 адам қаза тапты

Үндістан астанасы Нью-Делидің туристер көп жүретін ауданында жарылыс болды. Автокөлік жарылып, 9 адам қаза тапты. Тағы 20 адам жараланған. Оқиға қаладағы көрнекті орындардың бірі Қызыл Форт тарихи кешені мен метро станциясына жақын маңда болды. Үш адам отырған жеңіл көлік бағдаршамға тоқтап тұрған кезінде жарылған. «Терроризмге қарсы күрес» заңына сай тергеу басталды. Соңғы мәліметтерге сай, жарылған көліктің қожайыны ұсталған. Бұл оқиғадан бірнеше сағат бұрын полиция Фаридабад қаласында үйлерден 3 тонна жарылғыш зат тапқан еді. Олардың арасында бомба жасау үшін қолданылатын 350 кило аммиак селитрасы тәркіленді.