АҚШ-та ұшақ рейстері 10% қысқаруы мүмкін

Шатдаун жалғаса берсе, Трамп әкімшілігі АҚШ-тың 40 ірі әуежайында ұшақ рейстерінің санын 10 пайызға азайтатынын мәлімдеді. 13 мыңдай әуе диспетчері және 50 мыңдай көлік қауіпсіздігі басқармасының қызметкері жалақысыз жұмыс істеуге мәжбүр. Соның салдарынан әуежайларда жұмысшы жетіспей, ұзан-сонар кезек түзіліп, рейстер кешікті. Ал ұшақ рейстерінің санын қысқарту арқылы әуе диспетчерлеріне түскен салмақты жеңілдету көзделген. Сараптамаға сай елде ұшақ рейстері 1800-ге дейін қысқаруы мүмкін. Шатдаун 36-шы күнге созылғанын айта кетейік.