Филиппиндегі тайфуннан 66 адам қаза тапты

Филиппин аралдарында «Калмаеги» тайфунынан 66 адам қаза тапты. Олардың арасында гуманитарлық миссиямен ұшқан тікұшақтың алты экипаж мүшесі бар. Дүлей дауылдан 200 мыңнан астам адам қауіпсіз жерге көшірілген. Қаза тапқандардың көбі Себу провинциясының тұрғындары. Аралдың көптеген қалашығы су астында қалған. Көліктер, жүк контейнерлерін су шайды. Тұрғындар тасқыннан қорғану үшін үй шатырларына шығуға мәжбүр болды. «Калмаеги» кезінде жел екпіні сағатына 165 шақырымға жеткен. Тайфун өзге бір дауылдан зардап шеккен Вьетнамға қарай ойысып барады.