«Интер»-«Қайрат» матчын «Qazaqstan» телеарнасы тікелей эфирде көрсетеді

Қарашаның 5-інен 6-сына қараған түні Миланда Чемпиондар лигасының жалпы кезеңінің төртінші матчы өтеді. Онда италиялық «Интер» клубы біздің «Қайратты» қабылдайды. Қос команданың қазіргі көрсеткіштері қандай? 

«Интер» кестеде 9 ұпайын таза алып отыр. Италиялық клуб негізгі раундта бірде-бір гол жібермей, үш ойында жеңіске жетті. «Қайрат» соңғы турда кипрлік «Пафоспен» тең түсіп, қоржынға жалғыз ұпайды салды.

Ерсін Ерік, спорт комментаторы:

«Қайрат» командасы Миланда жүр. Әйгілі «Сан-Сиро» стадионда спортшыларымыз өнер көрсетеді. Қарсылас азулы әрі бабында. Дегенмен жанкүйерлер «Қайратқа» сеніп отыр.

«Интер» - «Қайрат» матчы Қазақстан уақыты бойынша сағат 01:00-де басталады. «Qazaqstan» телеарнасы ойынды тікелей эфирде көрсетеді.