Жаһан жаңалықтарына шолу

Филиппин аралдарында тайфун көтерілді

«Калмаеги» дауылынан 4 адам қаза тапты. Елдің орталығында нөсер жауыннан ондаған мың тұрғын қауіпсіз жерге көшірілді

Нью-Йорк мэрін сайлау өтіп жатыр

Бұл қызметке бірнеше кандидат бар. Көпшілік демократиялық партия өкілі Зохран Мамданиді фаворит деп есептейді. Алдына ала мәліметтерге сай, оған сайлаушылардың 40 пайызы дауыс берген.

Римде ортағасырлық мұнара құлады

Тарихи ғимаратта қайта жөндеу жұмыстары жүріп жатқан. Апаттан 1 жұмысшы қаза тауып, тағы бір адам  ауруханаға жеткізілді. Екеуі де  - Румыния азаматтары.

Лахор әлемдегі ең лас қала деп танылды

Мұнда ауа сапасы тым нашарлап, денсаулыққа қауіп төндіріп тұр. Тұрғындар көру қабілеті нашарлап, тыныс алу қиындағанына шағымданды.