Кәмелетке толмағандардың ісін қарайтын комиссиялар 7 мыңнан астам істі қарады

Кәмелетке толмағандар істері және олардың құқықтарын қорғау жөніндегі комиссиялар шамамен 4 мың отырыс өткізіп, 7 мыңнан астам істі қарады. Оның көпшілігі өмірлік қиын жағдайға тап болған отбасыларға қатысты. Сондықтан бұл жанұяларға материалдық, психологиялық, құқықтық және медициналық көмек көрсетіліп, жұмыспен қамтуға, емделуге, балалардың оқуына және демалысын ұйымдастыруға жәрдем берілді. Құқық қорғау органдарымен бірлесіп жүргізілген ведомствоаралық рейдтердің нәтижесінде балаларды тәрбиелеу жөніндегі міндеттерін орындамаған 22 мыңға жуық ата-ана, түнгі уақытта кәмелетке толмағандардың тұрғын үйден тыс жерде болуына жол берген 107 мыңнан астам заңды өкіл, сондай-ақ ойын-сауық орындарына балаларды кіргізген 2 мыңға жуық кәсіпкер әкімшілік жауапкершілікке тартылды. Бүгінде елімізде балалардың құқықтарын қорғау, құқықбұзушылықтың алдын алу және отбасыларды қолдау бағытында 271 комиссия жұмыс істейді. Олардың қызметін жетілдіре түсу үшін жаңа