Қазақстандықтардың банк алдындағы берешегі көбейді

Қазақстандықтардың банк алдындағы берешегі көбейіп жатыр. 1 қазандағы жағдай бойынша жеке тұлғалар мен бизнестің несиесі 38 трлн 700 млрд теңгеден асқан. Бұл туралы Қаржы нарығын реттеу және дамыту агенттігі хабарлады. Жыл басынан бері кредиттердің жалпы сомасы 14,6 пайызға өскен. Бизнес иелерінің несиесі биыл 12,1 пайызға көбейіп, 14 трлн 700 млрд теңге болды. Ал халықтың кредиттері 24 трлн теңгеге жеткен. Ол биыл 16,2 пайызға өскен. Оның 6 трлн 700 млрд-ы ипотекалық қарыздар. Дегенмен агенттік бағалауынша, кредит портфелінің сапасы жоғары деңгейде сақталып отыр. 90 күннен астам мерзімі өткен берешегі бар қарыздар деңгейі несие портфелінің 3,5 процентін немесе 1,5 трлн теңгені құрайды.