Ауғанстанда 6,3 балдық зілзала болды

Ауғанстанның солтүстігінде қуаты 6,3 балдық дүмпу болды. Зілзала Мазари-Шариф қаласына жақын маңда түнгі сағат 1-де болған. Соңғы мәліметтерге сай табиғи апаттан 20 адам қаза тапты. 320-ға жуық тұрғын жараланған. Алайда қайтыс болғандардың саны әлі өсуі мүмкін. Іздеу-құтқару жұмыстары жалғасып жатыр. Ауғанстанда бұған дейін тамызда болған жер сілкінісінен 2 мыңнан астам адам қаза тапқан еді.