Танзанияда коменданттық сағат жарияланды

Танзанияда өткен жалпыұлттық сайлаудан кейін болған тәртіпсіздіктерден 500 адам қаза тапты. Бұл — ВВС-дің ақпараты. Алайда оның рас-өтірігін дәлелдеу мүмкін емес. Елде коменданттық сағат енгізіліп, интернет өшірілген. Сайлауда қазіргі президент Самия Сулуху Хасан 98 пайыз дауыспен жеңіске жетті. Шеруге шыққандар оның жеңісін заңсыз деп бағалады. Сайлау нәтижесі бұрмаланды деп мәлімдеген бір топ жас көшеге шығып, наразылық білдірген. Олар сонымен бірге оппозиция мүшелерін аңдуды тоқтатуды талап етті. Қауіпсіздік күштері мен демонстранттар үш күн бойы қақтығысқан. Жанжалдан жарақат алғандар да бар, олар ауруханаға жеткізілген.