Телефон сатып аларда IMEI-кодты тексеру қажет

Телефон сатып аларда IMEI-кодты тексеру қажет. Бұл – құрылғының заңды тіркелгеніне көз жеткізуге және шектеусіз жұмыс істеуіне мүмкіндік береді. Оны қалай тексеруге болады? Телефоннан *#06# белгісін теріп, IMEI-кодты білу маңызды. Немесе оны телефон қорабынан не құрылғының корпусынан қарау керек. Кейін imei.kz сайтына кіріп, кодты тексеру қажет. Осылайша бар болғаны бірнеше минутта өзіңізді тіркелмеген немесе ұрланған құрылғыны сатып алудан, артық шығындар мен келеңсіздіктерден сақтайсыз.