Пентагон Украинаға «Томагавк» зымырандарын жөнелтуге келісті

Пентагон Украинаға «Томагавк» қанатты зымырандарын жіберу идеясын мақұлдады. Бірақ соңғы шешімді президент Дональд Трамп қабылдауы керек. Мұны «CNN» телекомпаниясы хабарлады. Оның өзге бір дерегінше, Трамп Украинаға алыс қашықтыққа арналған ракета жөнелту мәселесін күн тәртібінен алып тастамаған. Сондықтан Ақ үй бұл арсеналды Киевке жедел жеткізу жоспарын жасақтап жатыр. Айта кетсек, Украина 2500 шақырымға ұшып, Мәскеуге жете алатын «Томагавктарды» Вашингтоннан көп уақыттан бері сұрап келеді.