Әлем жаңалықтарына шолу

АҚШ ядролық сынақ ұлттық қауіпсіздік үшін қажет дейді. Алайда, Біріккен Ұлттар Ұйымы мұндай жарылысқа ешқашан рұқсат берілмеуі қажеттігін ескертті.

Британ монархының інісі Эндрю «принц» деген титулынан айрылып, король сарайынан аластатылды.

Суданда көтерілісшілер әл-Фашер қаласын басып алды. Содан кейін араб жасақтары жергілікті госпитальде 460 адамды өлтірген.

Кариб теңізі жағалауында «Мелисса» дауылынан қаза тапқандар саны көбейіп келеді. Сұрапыл соққыдан Гаитиде 30, Ямайкада 19 адам мерт болған.

Қытай 2030 жылы Айға астронавт қондыруға дайын. Мұны осы елдің Пилотты ғарыштық ұшырылымдар агенттігінің өкілдері мәлімдеді.