Нью-Йоркті су басты

АҚШ-тың Нью-Йорк қаласында дүлей дауыл тұрып, тоқтаусыз жауын құйды. Қалаға 4 сантиметрдей жаңбыр жауып, көшелерді, метроларды су басқан. Табиғи апаттан екі адам қаза тапты. Екпінді желден ағаштар құлаған. Ауа райының құбылуы ұшақ рейстерінің кешігуіне де әсер етті. Күшті жел әлі де басылған жоқ. Билік тұрғындарға абай болуды, ағаштар мен электр бағаналарына жақын жүрмеуді ескертті.