Мемлекет басшысы Сыр өңіріне сапары аясында үстел теннисі орталығын аралап көрді

Мемлекет басшысы Сыр өңіріне сапары аясында облыс орталығындағы үстел теннисі орталығын аралап көрді. Заманауи үлгіде салынған нысанда 16 үстел теннисі орналасқан ойын алаңы, 350 көрерменге арналған орындар, жаттығу залы мен әкімшілік бөлмелер бар. Бүгінде онда 280 бала үстел теннисімен тұрақты түрде шұғылданады. 52 қызметкер жұмыс істейді.

Айта кету керек, кешенді салуға облыс бюджетін оңтайландыру барысында үнемделген қаражат есебінен 2,5 миллиард теңге жұмсалды. Құрылыс былтыр қазан айында аяқталды.