Луврды тонады деген күдікпен тағы 5 адам ұсталды

Францияда Лувр музейін тонады деген күдікпен тағы 5 адам қамауға алынды. Полиция күдіктілерді Париждің түрлі ауданынан ұстаған. Ал бұған дейін ұсталған екі адам кінәсін толық мойындамай отыр. Олардың біреуі Франциядан ізін суытпақ болған жерінен ұсталды. Ал Луврдан ұрланған бағалы әшекей бұйымдар әлі табылған жоқ. Олардың жалпы құны 87 млн еуродан асады. Экспонаттарды ұрлауға 4 адам қатысқан. Алайда прокуратураның мәлімдеуінше, бұл бір қылмыстық топтың ісі болуы мүмкін.