АҚШ ядролық сынақтарды қайта бастамақ

АҚШ ядролық сынақтарды қайта бастамақ. АҚШ президенті Дональд Трамп Соғыс министрлігіне елдің ядролық қаруын сынауды жедел бастауды тапсырғанын мәлімдеді. Бұл шешім АҚШ-тың ядролық қарудағы бәсекелес елдері Ресей мен Қытайдың сынақ бағдарламаларына жауап ретінде қабылданған. Трамп әлеуметтік желідегі жазбасында: «АҚШ-та өзге елдерге қарағанда көбірек ядролық қару бар. Ресей екінші орында, ал Қытай бес жыл ішінде бізге жетуді көздеп отыр», - деді. АҚШ 1992 жылдан бері ядролық жарылыстарды сынауға ерікті түрде мораторий енгізіп келген. Бұл саясаттың өзгеруі халықаралық қауымдастықта алаңдаушылық тудыруы мүмкін. Қазір Дональд Трамп Қытай төрағасы Си Цзиньпинмен кездесу үшін Оңтүстік Кореяның Пусан қаласына жетті.