Луврды тонады деп ұсталған 2 күдікті кінәсін мойындады

Францияда екі күдікті әйгілі Лувр музейін тонауға қатысқанын ішінара мойындады. Мұны сәрсенбі күні өткен баспасөз маслихатында Париж прокуроры Лора Бекко мәлімдеді. Дегенмен, оның сөзінше, ұрланған әшекей бұйымдар әлі табылмаған. Өзге бір мәлімдемесінде Бекко ұсталған екі ер адамға байланысты ресми түрде тергеуді бастауға өтініш жасайтынын хабарлады. Естеріңізге сала кетсек, төрт адам Луврды қазанның 19-да тапа-тал түсте тонап кетті. Қолды болған қазынаның жалпы құны 88 миллион еуроға бағаланып отыр.