Әлем жаңалықтарына шолу

Оңтүстік Кореяда АҚШ президенті Дональд Трамптың сапарына қарсы ауқымды шеру өтті. Ертең Құрама Штаттар лидері мұнда Қытай төрағасы Си Цзиньпинмен кездеседі.

АҚШ Шығыс Еуропадағы әскерінің санын қысқартып, басты назарды енді Үнді-Тынық мұхит аймағына аудармақ. Мұны бүгін Румыния сыртқы істер министрлігі мәлімдеді.

Израиль әуе күштері Газа секторына соққы беріп, 104 адамды мерт қылды. ЦАХАЛ бұл шабуылды «ХАМАС-ты» бейбіт келісімді бұзды, бір израильдік жауынгерді өлтірді деп айыптағаннан кейін жасап отыр.

2025 жылдың ең сұрапыл дауылы - «Мелисса» Кубаның шығысына жетті. Бұған дейін оның соққысынан Ямайкада, Гаитиде, Доминикан Республикасында бас-аяғы жеті адам қаза тапқан.