Екібастұзда мұғалім баланы жәбірлеген

Екібастұздағы жеке меншік оңалту орталықтарының бірінде жаттықтырушы балаға зәбір көрсеткен. Дене шынықтыру сабағында ер адамның кішкентай қызды қолынан тартып, сүйрелеген бейнекөрініс әлеуметтік желіде тарап кетті. Бүлдіршін үйіне барғанда қолын ауырсынған соң, ата-анасы дәрігерге апарған. Емханада гипс салып берген. Осы іске қатысты полиция сотқа дейінгі тергеп-тексеруді бастады.