Камерунның 92 жастағы Президенті сайлауда жеңді

Әлемнің ең қарт президенті – Камерунның 92 жастағы басшысы Поль Бийя сайлауда жеңіске жетті. Осылайша ол африкалық елді тағы 7 жыл, яғни 100 жасқа таяғанша басқармақ. Соңғы мәліметке қарағанда, Бийяға электораттың 53,66 пайызы дауыс берген. Ал оның қарсыласы – оппозиция лидері Исса Чирома Бакариді қолдағандар – 35 пайыз.

Чирома да өзін жеңімпаз деп жариялады. Оның жақтастары көшеге шығып, полициямен қақтығысты. Алайда билік өкілдері сайлауда заңсыздықтарға жол берілді деген ақпаратты жоққа шығарып, оппозиция уәжімен келіспей отыр.