Ямайка халқы дүлей дауылға дайындалуда

Кариб теңізіндегі шағын ғана арал Ямайка биылғы жылдың ең сұрапыл дауылына әзірленіп жатыр. Кейбір мәліметтерге қарағанда, алапат жел мен жауыннан қазірдің өзінде үш адам қаза тапты. Алдын ала жасалған болжамға сай, бүгін «Мелисса» штормы сағатына 175 шақырым жылдамдықпен қатты соғады. Оның екпінінен осыған дейін Гаити мен Доминикан Республикасында 4 адам мерт болды.

Осыны ескерген Ямайка билігі дауыл қарсаңында ел астанасы Кингстонның бір бөлігінен тұрғындарды көшіріп жатыр. Өйткені кейбір аудандарға су тасқыны мен лай көшкінінен қаупі төніп тұр.