Егемендік декларациясы – жаңа реформалардың негізі

Қазақстанда қазір жүргізіліп жатқан терең реформалар тәуелсіздік декларациясына сай жасалып жатыр. «Қазақстан Республикасының мемлекеттік егемендігі мен тәуелсіздігі: тарих, қазіргі кезең және дамудың жаңа қырлары» халықаралық конференциясында ғалымдар мен саясаттанушылар осындай баға берді. Тура 35 жыл бұрын қабылданған тарихи құжат елдің даму бағытын, негізгі құндылықтарын айқындап берді.

Марат Башимов, ҚР Парламенті Мәжілісінің депутаты:

Тәуелсіздік декларациясы қазіргі заманның өзінде маңызды болып тұр. Қазір Парламенттік реформа, Мемлекеттік басқару саласындағы реформалар сол тарихқа байлаулы. Әлеуметтік экономикалық саладағы өзгерістер бәрі халық үшін деген принцип қазір бірінші орында тұр.

Нұрбек Пұсырманов, Мемлекет тарихы институтының директоры:

Біз жас ұрпақты қайда бағыттаймыз? Бүгін тарих тағылымы осыған да арналып отыр. Және бүгінгі күннің келбетінде әділетті Қазақстанның құндылықтары және болашаққа бағдар алуымыздың да бірден-бір себебі біздің зиялы қауымның, ғалымдар, сарапшылардың пікірлері негізінде ұсыныстар дайындалады.