Таразда 100 оқушы бір мезетте домбыра тартты

Таразда Республика күні қарсаңында 100 оқушы бір мезетте домбыра тартты.

Жас өнерпаздар «Келіншек», «Адай», «Балбырауын», «Ерке сылқым» және «Түркімен күйін»  орындады. Сондай-ақ өрендер «Жастар биін» билеп, патриоттық рухты оятатын әндер де шырқады. Ал жоғары сынып оқушылары актерлық шеберлігін көрсетіп, Алаш зиялыларының өмірінен сахналық қойылым қойды. Кеш соңында Абай, Жамбыл мен Мағжанның жырлары оқылды.

Аялуым Марат, оқушы:

Атақты күйшілердің ең танымал күйлерін орындадық. Өте жақсы шықты. Республика күнімен баршаңызды құттықтаймын. Осы күн, осы мереке бізге оңайлықпен келген жоқ. Әрине, біздің ата-бабамыз осы күн үшін, біздің болашағымыз үшін көптеген қиындықты бастан өткізді. Осы мерекеміз жалғаса берсін және әр жыл сайын осылай тойлап тұрумызды тілеймін.