Британияда әскерилер қауіпті дрондарды атып түсіруге рұқсат алуы мүмкін

Британияда әскери базаларға қауіп төндіретін дрондарды атып түсіруге рұқсат берілуі мүмкін. Корольдіктің қорғаныс министрі Джон Хили осындай жаңа жоспарды жария етті. Өзгеріс әскери нысандармен қатар әуежайларға да қатысты болуы мүмкін. Ұшқышсыз аппараттар Еуропаның әуе кеңістігін бұзу деректері соңғы айларда жиілеп кетті. Әуежайлар жабылып, ұшақ рейстері тоқтатылды. Батыс елдері бұған Ресейді айыптап отыр. Алайда Мәскеу бұл оқиғаларға қатысы жоқ екенін мәлімдеді.