«Капитан Байтасов» фильмі прокатқа шығады

Қызмет барысында қаза тапқан полицей, Халық қаһарманы Ғазиз Байтасов жайлы фильм үлкен экранға шығады. Осы бейсенбі 23 қазаннан бастап еліміздің кинотеатрларында көркем туында көрерменге ұсынылады. Драма жанрындағы фильм оқиғасы 2011 жылы Тараз қаласында болған қайғылы жағдайға арналған. Капитан Байтасов өмірін қатерге тігіп, террористі тоқтатып, бейбіт адамдардың өмірін сақтап қалған еді.