Дохада Ауғанстан мен Пәкістан делегациясы атысты тоқтату туралы келісім жасады

Ауғанстан мен Пәкістан шекарадағы атысты дереу тоқтатуға уағдаласты. Бұл туралы құжатқа екі жақтың қорғаныс министрлері Қатар астанасы Дохада қол қойды.

Тараптар қазанның 25-інде Ыстанбұлда қайта кездесіп, қақтығысқа жол бермеудің өзге де жолдарын талқыламақ.

Еске сала кетсек, бір аптаға жалғасқан көршілес елдер арасындағы соғыстан ондаған адам қаза тапты. Сол кезде Исламабад Ауғанстанды содырларға баспана берді деп айыптады. Алайда ресми Кабул Пәкістан үкіметіне қарсылық көрсетіп жатқан қарулы топтарды қолдамайтынын мәлімдеп отыр.