Ақ үйде Трамп-Зеленский келіссөздері өтті

АҚШ Украинаға «Томагавк» зымырандарын беруге әзірге дайын емес. Сонымен қатар, Вашингтон Киевке қауіпсіздік кепілдігін ұсынған жоқ. Кеше Дональд Трамп пен Владимир Зеленскийдің Ақ үйде өткізген келіссөздері осылайша нәтижесіз аяқталды. Кездесуден кейін Америка лидері әлеуметтік желідегі парақшасында мәлімдеме жариялап, Украина мен Ресейді қазіргі майдан шебінде атысты тоқтатуға шақырды. Әрі Зеленскийді қабылдар алдында Трамп Владимир Путинмен телефон арқылы сөйлесті.

Содан кейін Кремль хабарлағандай, Ресей мен АҚШ лидерлері алдағы екі апта ішінде Венгрия астанасы Будапештте кездесуі мүмкін.