Алтын бағасы 4335 доллар болды

Әлем нарығында алтынның бір унциясы үшін 4335 долларға жетті. Осы аптаның өзінде оның құны 8,1 пайызға өскен. Ал жыл басынан бері 66 пайызға қымбаттапты. Алтын – белгісіздік пен инфляциядан қорғанудың дәстүрлі қоры саналады. Бірқатар сарапшылардың ойынша, оның бағасының шарықтауына геосаяси шиеленістер мен пайыздық үстемелердің төмендеу мүмкіндігі, кейбір елдердің доллардан бас тартуы және орталық банктердің бұл активті көптеп сатып алуы сияқты факторлар себеп.