Трамп пен Путин Будапеште кездесуге келісті

АҚШ президенті Дональд Трамп пен Ресей президенті Владимир Путин жақын арада Венгрия астанасы Будапеште кездеспек. Қос елдің лидерлері 2 сағаттан астам уақыт бойы телефон арқылы сөйлесіп, осылай уағдаласқан. «BBC-дің» мәліметінше, әңгімелесу Мәскеудің бастамасымен өтті. Кремльде кездесу жоспарын растады. Трамп әлеуметтік желіде: «Біз Будапеште кездесіп, Украина мен Ресей арасындағы соғысты аяқтау туралы талқылаймыз»,- деп жазды. Ал Трамп пен Зеленский бүгін кездесіп, «Томагавк» зымырандарын жеткізу, әскери көмек мәселелерін талқыламақ.