Жұмыс уақытын ұзартуға қарсы ереуіл өтті

Грекияда жұмыс уақытының ұзаруына қарсы ереуіл басталды. Бұған қоса тұрғындар жеке секторда жұмысқа алу ережелерінің өзгеруіне наразы. Қоғамдық көлік пен порттар жұмысы тоқтады. Акцияға дәрігерлер, журналистер мен басқа да сала қызметкерлері қосылған. Ұйымдастырушылардың мәлімдеуінше, жұмысшылардың жалақысын көтеру мен мемлекеттік қызмет көрсетулерді күшейтудің орнына мемлекет жағдайды қиындатып отыр. Үкімет ұсынған өзгерістерге сай, жұмыс берушілер жұмыс уақытын ұзартуға құқылы болмақ. Осы арқылы еңбек нарығын тиімді ету көзделген. Алайда кәсіподақтардың пікірінше, мұндай заң жобасы еңбек құқығы негіздерін бұзады.