«ХАМАС» кепілдегі израильдіктерді түгел босатты

«ХАМАС» екі жыл бұрын кепілге алған израильдіктерді түгел босатты.

Қарулы топ 20 адамды Қызыл крест ұйымына тапсырды. Содан кейін тұтқындар әскердің көмегімен Израильге жеткізілді. Бұған жауап ретінде Израиль өз түрмелерінен 250 палестиналық сотталушы мен Газадағы соғыс кезінде ұсталған 1700-дей адамды үйлеріне қайтарып жатыр.

Тұтқын алмасу президент Дональд Трамптың бейбіт жоспарына сай жүзеге асып жатыр. Әрі бүгін Мысырдың Шарм әл-Шейх қаласында Газадағы соғысты тоқтатуға бағытталған халықаралық «Бейбітшілік саммиті» өтеді. 20 мемлекеттің лидерлері шақырылған жиынға АҚШ пен Мысыр президенттері төрағалық етпек.