Маңғыстауда спортшыларға арналған оқу орны салынуда

Маңғыстауда спортта дарынды балаларға арналған мектеп-интернат колледжінің құрылысы жүріп жатыр. Жоба Мемлекет басшысының олимпиада резервін даярлайтын мектеп-интернаттар мен колледждер еліміздің барлық аймағында болуы тиіс деген тапсырмасына сәйкес жүзеге асуда. Бүгінде құрылыс жұмыстарының 60 пайызы аяқталған. Ішкі әрлеу жұмыстары толығымен бітіп, электр, су және жылу желілері іске қосылды. Нысанның құрылысын жыл соңына дейін аяқтау жоспарланған. Мектеп-интернат колледжге 300-ге жуық дарынды спортшы қабылданады. Оқу орнында бокс, дзюдо, таэквондо және өзге де спорт түрлері бойынша жаттығуға мүмкіндік болады.