Заңсыз кірістерді жылыстатуға қарсы іс-қимыл мәселелері бойынша семинар өтті

Астанада заңсыз кірістерді жылыстату және терроризмді қаржыландыруға қарсы іс-қимыл мәселелері бойынша оқу семинары өтті. Онда заңсыз кірістерді жылыстату істерін тергеу, сараптау және сотта қарау тәжірибесі талқыланды. Шараға 60-тан астам судья, прокурор және құқық қорғау органдарының өкілдері қатысты. Олар заңсыз кірістерді криптовалюта арқылы жасыру, «кәсіби заңдастырушылардың» әрекеттері және мүлікті тәркілеу мәселелері бойынша тәжірибе алмасты.