Анталияда жарылыс болды

Түркияның Анталия қаласындағы көкөніс базарларының бірінде жарылыс болып, бір адам қаза тапты. Анталияның Күчүк құм ауданында көтерме сауда базарындағы қоймалардың бірінде болған жарылыстан ғимараттың бір бөлігі опырылып, 4 адам үйінді астында қалды. Оқиға орнына келген құтқарушылар мен полиция қызметкерлері зардап шеккендерді қиранды астынан алып шықты. Олардың біреуі оқиға орнында көз жұмған. Жарақат алған үш адам ауруханаға жатқызылды. Дәрігерлер екеуінің халі ауыр екенін айтып отыр. Алдын ала болжам бойынша, қоймадағы оттегі баллоны жарылған. Қазір тергеу жүріп жатыр.