Басты Жаңалықтар Олимпиада жүлдегерлеріне 100 млн теңге сыйақы берілді

Олимпиада жүлдегерлеріне 100 млн теңге сыйақы берілді

22.09.2025 19:35

2024-2025 жылдарда қазақстандық оқушылар 35 халықаралық олимпиада мен ғылыми байқауға қатысып, мыңнан аса медаль жеңді. Оның 193-і алтын, 349-күміс, 464-қола. Яғни, әрбір екінші қатысушы жүлдегер атанған. Биылғы халықаралық рейтингте қазақстандық оқушылар физика, биология, лингвистика, химия және география, информатика мен математикадан дүниежүзі бойынша үздіктер қатарында. Оларды жігерлендіру үшін жуырда әлем бойынша ең беделді саналатын 7 олимпиада жүлдегерлерін Президент қабылдады. Одан бөлек үздіктер мен оларға жетекшілік еткен педагогтарға 100 млн теңгеден астам сыйақы берілді.

Қаныбек Жұмашев, ҚР Оқу-ағарту министрлігінің комитет төрағасы:

Мемлекет басшысының қолдауымен 2022 жылдан бастап халықаралық олимпиада жүлдегерлеріне қаржылай сыйақы тағайындалып келеді. Алтын медаль иегерлері – 6 млн теңгеге, күміс жүлдегерлер – 4 млн теңгеге дейін, ал қола жүлдегерлер – 2 млн теңгеге дейін сыйақы алады. 2025 жылы Олимпиада жеңімпаздары мен олардың тәлімгерлеріне жалпы көлемі 100 млн теңгеден асатын біржолғы сыйақы берілді.

Автор

Нұрсұлтан Тілектес

Бөлісу