Маңғыстауда жол апатына түскен 3 адамның жағдайы ауыр

Маңғыстауда жол апатына түскен 3 адамның жағдайы ауыр. Зардап шеккендердің миы шайқалып, бірнеше жері сынған. Науқастардың бірі түнде санавиациямен Ақтауға жеткізілді.

Еске салайық, кеше күндізгі сағат 4 шамасында «Бекет ата» жолында «Тойота Хайс» минивэні аударылып қалды. Көлікте 12 жолаушы болған. Сегізі оқиға орнында, екі адам ауруханаға жеткізу кезінде көз жұмды. Марқұмдардың арасында Ақмола, Қарағанды облысының тұрғындары бар. Көлік жүргізуші мен 2 жолаушы дәрігерлердің бақылауында.