450 мемлекеттік кәсіпорын жекешелендіріледі

Мемлекеттің экономикадағы үлесін азайту үшін 450-ден аса кәсіпорын жекешелендірілмек. Президентке компаниялар тізімін Бәсекелестікті қорғау және дамыту агенттігінің төрағасы таныстырды. Марат Омаров негізгі тауарлар нарығындағы бәсекелестікті дамыту жұмыстары аясында биржалық қызмет заңнама талаптары мен қазіргі нарықтық сауда жағдайларына сәйкестендірілгенін айтты. Бүгінде 3 тауар биржасы жұмыс істейді. Кездесу соңында Президент экономиканың басты секторларындағы бәсекелестікті дамытуға, агенттік жүргізіп жатқан тергеулер мен тексерулерге, сондай-ақ шағын және орта бизнесті қорғауға байланысты бірқатар тапсырма берді.