Жалған ақпараттан сақтану жолдары қандай?

Сіз жалған ақпарат пен шынайы деректің ара жігін ажырата аласыз ба? Тұрғындардың дәл осы сауалға келгенде бүгежіктеп қалатыны рас. Тамыз айынан бастап Президент жанындағы Орталық коммуникациялар қызметінің құрылымында жалған ақпаратқа қарсы күрес жөніндегі орталық ашылған. Әрі Telegram-арнада арнайы AntiFake CenterBot іске қосылды. Сонымен қатар жалған ақпараттан қорғанудың қарапайым тәсілдері де бар. Сарапшы фейк ақпараттар көбіне сенсациялық, арандатушы мәнде және эмоционалды тақырыптармен жазылатынын айтты. Мәселен,  тез арада оқыңыз, еш жерде көрсетілмеген видео деген сынды тіркестер болуы мүмкін. 

Думан Смақов, Factcheck.kz бас редакторы:

Эмоционалды тұрғыда жалған ақпаратты тарату мүмкіндігі көбейді. Ең бірінші кезекте ресми органдардың сайтын, олардың телеграм арналарын немесе әлеуметтік желідегі аккаунтарын қарау керек. Ақпараттың мәтінін гугл аударма, не яндекс аударма арқылы өзге де іздеу жүйлеріне орыс тілінде, ағылшын тілінде салып көру керек. Бәлкім, осыған ұқсас мәтін бұған дейін басқа тілдерде таралған болар.