Жолдау – ел болашағын айқындайтын стратегиялық құжат

Президент жолдауында цифрландыру мен жасанды интеллектке басымдық берілді. Мемлекет басшысы заманауи технологияларды барлық салада пайдалану қажеттігін атап өтті. Маңызды құжат қоғам дамуының жаңа бағытын белгілеп қана қоймай, ел болашағын айқындайды. Ұлттық арна тілшілері жолдау жайында қарапайым тұрғындардың пікірін білген еді.

Тараз

Жасанды интеллект біздің елімізде өте қарқынды дамуда деп есептеймін. Сонымен қатар Орталық Азиямен есептегенде біздің еліміз көш бастап тұр. Үлгіміз деп айта аламын. Сонымен қатар бізге енді осы жолда тоқтап қалмай, одан ары қарқынды дами түсу керек. Сонымен қатар президентіміздің кешегі Жолдауында Жасанды интеллект және цифрлық даму министрлігін құру деген сөзін құптаймын және осы тезірек іске асса.

Өскемен

Мәселен біздің Өскемендегі техникалық университетте «Ai-sana» деген орталық құрылды. Сол орталықтың студенттері 1-курстан 4-курсқа дейін робототехникаға өздерінің ғылыми жобаларына осы жасанды интеллектіні енгізіп жатыр. Бұл 10-15 жылда өзінің жемісін береді деп ойлаймын. Сондықтан біз осы жасанды интеллекттен қашпауымыз керек.

Орал

Отбасында келеңсіз жағдайлар болып жатыр. Сол мәселеге ел болып, жұрт болып, бәріміз атсалысуымыз керек. Ол тек бір ананың, бір отбасының мәселесі емес, қоғамның мәселесі. Сондықтан да бұл жерде де жаңа технологияны пайдалана отырып, зорлық-зомбылықтың алдын алу, мектептерде QR-кодтар қою, заңға өзгерістер енгізу – мінекей, осының бәрі бізді қуантады.

Ақтау

Ерекше назар аударған тұстарым, бұл жас оқытушы, жас ғалым ретінде жалпы ең бірінші нәрсе бұл білім және ғылым және инновация салаларының өзара байланыстыру қажеттігі туралы айтылған болатын.  Жасанды интеллект және цифрлық даму министрлігінің құрылуы да тарихи сәт деп баға беруге болады. Жасанды интелектті көп қолданатын, кеңінен қолданатын университеттерге дербестік беру мәселесі де қарастырылған болады.

Эльмира Кәленова