Петропавл студенттері телефон қосымшасын жасап шығарды

Петропавлдағы Қозыбаев университетінің студенттері қосымша ойлап тапты.

Цифрлық өнім жоғары оқу орны туралы толық ақпарат алуға мүмкіндік береді. Жоба авторлары ұялы қосымшаның әсіресе студенттер мен талапкерлер үшін қолайлы екенін айтады. Онда сабақ кестесі, әр адамның оқу үлгерімі, рейтинг, жатақханадағы бос орындар, университет қабырғасында болып жатқан жаңалықтар сынды тағы басқа ақпарат топтастырылған. Студенттердің айтуынша, қосымша сынақтан сәтті өтті. Оны болашақта жетілдіре түсу жоспарланып отыр.

Даниал Әбуов, студент:

Қосымша арқылы студенттер басшылыққа сұрақтарын тікелей жолдай алады. Оқу жылының басында жастар осы платформа арқылы жатақханаға орналасты. Бұл жобаны ректор бірден назарға алып, университетпен еңбек келісімшартына қол қойдық.

Эльмира Кәленова