Жаңалықтарды Telegram арнамыздан оқыңыз!Сирия 14 жылдан бері алғаш рет шетелге мұнай экспорттай бастады. 600 мың баррель шикізат Тартус портынан өзге мемлекетке жөнелтілген. Мұны осы елдің энергетика министрлігі мәлімдеді.
Бұл Араб Республикасы революция алдында, яғни 2010 жылы күніне 380 мың бөшке шикізат экспорттаған. Содан бері Сирияның халықаралық нарықта «қара алтын» сатқаны алғаш рет белгілі болып отыр.
Дамаскіде Башар Асад режимі былтыр желтоқсанда құлатылды. Содан кейін билікке келген исламшылар ел экономикасын жандандыруға уәде берді. Ал маусымда АҚШ президенті Дональд Трамп Сирияны санкциядан босату туралы қаулыға қол қойды. Іле-шала америкалық компаниялар бұл мемлекеттің мұнай және газ кеніштерін игеру туралы жоспар жасақтауға кіріскен.
Арыстан Рысбек
