Жаңалықтарды Telegram арнамыздан оқыңыз!Премьер-министр Олжас Бектеновтің төрағалығымен өткен «Самұрық-Қазына» ұлттық әл-ауқат қоры директорлар кеңесінде биылғы жылдың есебі баяндалды. Қор кірісі жоспардан тыс 6%-ға, ал EBITDA көрсеткіші 15%-ға артқан. Қазіргі таңда 52 ірі инвестициялық жоба жүзеге асырылып жатыр. Мәселен, энергетика саласы бойынша, Көкшетау ЖЭО мен Екібастұз ГРЭС-2-ні кеңейту, Алматы ЖЭО-2-ні жаңғырту жұмыстары жалғасып жатыр. Кендірліде теңіз суын тұщытатын желі жұмыс істей бастады. Ал Бақты–Аягөз теміржолы мен Ақтау портындағы контейнерлік хаб құрылысы қарқынды. «Достық–Мойынты» желісінде пойыз қозғалысы іске қосылған. Сондай-ақ, Ақшабұлақ кен орнында газды қайта өңдеу жобасы жүзеге асты. Су тазартуға арналған алюминий реагенттері қолданылып жатыр. Премьер-министр қор басшылығына инвестициялық жобаларды уақытылы іске асырып, құрылыс сапасына бақылауды күшейтуді тапсырды.
Ақниет Балтанова
