Жаңалықтарды Telegram арнамыздан оқыңыз!Алматыда Орталық Азиядағы биоалуантүрлілікті қорғау мәселелері талқыланды. Сондай-ақ симпозиумда өңірдегі жабайы өсімдіктерді зерттеу мақсатында Орталық Азия желісін құру туралы ұсыныс айтылды. Үшінші рет ұйымдастырылып отырған симпозиумға әлемнің 14 елінен жүзден аса ғалым қатысты. Шарада мамандар биоалуантүрлілікті зерттеу мен сақтаудың заманауи тәсілдері туралы баяндама жасап, озық зерттеулердің нәтижелерімен бөлісті.
Ерлан Тұрысбеков, ҚР Президенті жанындағы ҰҒА академигі:
Мен экологиялық тақырыптарды жиі көтеріп жүрмін. Оның ішінде мұздықтардың еруі, биоалуантүрлілікті сақтау мәселесі алғашқы орынға шығып тұр. Егер Орталық Азия желісі құрылса, өсімдіктерді зерттеу, экожүйені қалпына келтіру сияқты мәселелерді шешу жеңілдей түседі.
Қуан Нұрақын
