АҚШ-тың Орегон штатында орман өртеніп жатыр

АҚШ-тың Орегон, Калифорния штаттарын орман өрті шарпыды. Жүздеген тұрғын қауіпсіз жерге көшірілген. Орегонда жалын шарпыған аумақ 9 мың гектарға жақындап қалды. Өрт сөндірушілерге қуаңшылық пен аптап ыстық кезінде тілсіз жаумен күресу оңайға тиіп жатқан жоқ. Сынап бағанасы 37 градустан жоғарылаған. Кей мәліметтерге сай, жоғары ауа температурасына шыдай алмай, бірнеше адам ауруханаға түскен.  

Арай Төлегенқызы