Үржардан Астанаға жеткізілген балаларда жақсару бар

Үржардан Астанаға санавиациямен жеткізілген балаларда оң динамика бар. Бұл туралы қалалық №2 көпсалалы балалар ауруханасы хабарлады. 6 жастағы ұл бала кеше бейінді бөлімге ауыстырылған. Қасында анасы бар. Ал 9 жастағы қыз бала әлі де жансақтау бөлімінде жатыр. Оларға барлық қажетті медициналық көмек толық көлемде көрсетілуде.

Нұрсұлтан Құрбанбеков, №2 көпбейінді қалалық балалар ауруханасының бөлімше меңгерушісі:

Бізге түскен ұл баланың жағдайы жақсарды. Жағдайының тұрақталуына байланысты профильді бөлімшеге ауыстырылды. Қыз баланың жағдайы өте ауыр. Динамикада аздаған жақсарулар бар. Медикоментозды ұйқыда. Тыныс алу аппаратпен. Жоспар бойынша бүгін эксгубация жасалады. Гемодинамикасы біршама тұрақталды.

Ал Абай облысы Үржар аудандық ауруханасында жатқан қыздың жағдайы өзгеріссіз. Дәрігерлер әлі де тұрақты ауыр деп бағалап отыр.

Шерхан Жамбылұлы